ಕಾನಲ್ಲೇ ಆರಂಭ

ಕಾನ್ ಜಿರಲೆ ... ಮಲೆನಾಡಿನಲ್ಲಿ ರಾತ್ರಿಯಿಡೀ ಕಿರುಚುತ್ತಾ ಹಲವಾರು ನಿದ್ರೆಗಳನ್ನು ಕಡಿಯುತ್ತಿರುವ ಒಂದು ಕೀಟ ವರ್ಗ... ಹಗಲೆಲ್ಲೂಕಾಣಿಸಿಕೊಳ್ಳದೆ ರಾತ್ರಿಯಾದೊಡನೆ ಎಲ್ಲಿದ್ದೇನೆ ಎಂಬ ಕುರುಹನ್ನೂ ಕೊಡದೆ ಸುಮ್ಮನೆ ಕಿರುಚುತ್ತದೆ ... ಇದನ್ನು ಕಣ್ಣಿನಲ್ಲಿಕಂಡವರಿಗಿಂತ ಕಿವಿಯಿಂದ ಕಂಡವರೇ ಜಾಸ್ತಿ... ಸಣ್ಣವರಿಗೆ ಹೆದರಿಕೆಯ ಪ್ರಾಣಿಯಾಗಿ ,ಓದುವ ಮಕ್ಕಳಿಗೆ ಕಿರಿಕಿರಿಯ ಪ್ರಾಣಿಯಾಗಿ, ದೊಡ್ಡವರಿಗೆ ಚಿಂತೆಗಳನ್ನು ಕೆದರುವ ಶಬ್ದವಾಗಿ, ಮುದುಕರಿಗೆ ಕೇಳದ ಅಸ್ಪಷ್ಟ ಶಬ್ದವಾಗಿ ಕಾನ್ ಜಿರಲೆ ಬದುಕಿ ಬಾಳಿದೆ..

ಅಂತೆಯೇ ಈ ಜಾಗದಲ್ಲಿ ಒಂದು ಅನುಭವವಿದೆ.. ಕಾನ್ ಜಿರಲೆಯಂತೆ ಇದು ಯಾರಿಗೂ ಕಾಣದೆ ಗುಂಯ್ ಗುಡುತ್ತದೆ.. ಮತ್ತು ಅದರಂತೆ ಅವಿಶೇಷವಾಗಿಯೇ ಉಳಿಯುತ್ತದೆ.. ಇದೊಂದು ಲಹರಿ.. ನಿಜವೋ ಸುಳ್ಳೋ ಎಂಬುದು ನಿಮಗೆ ಬಿಟ್ಟಿದ್ದು...ಕಥೆಗೆ ಆರಂಭವಿದೆಯೇ ಹೊರತು ಅಂತ್ಯ ಕಾಣುವುದಿಲ್ಲ ...ಕಥೆ ಹೋದಂತೆ ನಾನು ಹೋಗುತ್ತಿದ್ದೇನೆ ...ಬರೆಯುತ್ತಿದ್ದೇನೆ .. ಓದಿಕೊಳ್ಳಿ..